Category: Blog

  ဒီတစ်ပတ်ဖော်ပြချင်တာကတော့ စိတ်ကူးကောင်းကောင်းနဲ့ဆောက်လုပ်ထားတဲ့ချစ်စရာကျောက်တုံးအိမ်လေးတွေကိုဖော်ပြပေးမှာဖြစ်ပါတယ်။ သင်ဟာ တိုက်ခန်းနဲ့ နေသူမဟုတ်ဘူးဆိုရင်တော့ ဒီစိတ်ကူးလေးကို အကောင်အထည်ဖော်နိုင်ပါတယ်။ သင်ဟာ Civil Engineer တစ်ဦး၊ ဆောက်လုပ်ရေးသမားတစ်ဦးဆိုရင်တော့ ပိုအဆင်ပြေပါတယ်။ သင့်မိသားစုအတွက်ဖြစ်ဖြစ် ဒါမှမဟုတ် အားလပ်ရပ်အပန်းဖြေဖို့ပဲဖြစ်ဖြစ် စိတ်ကူးကောင်းကောင်းနဲ့ ဒီကျောက်တုံးအိမ်လေးကို ဆောက်လုပ်ကြည့်နိုင်ပါတယ်။   တောင်ပေါ်ဒေသတွေမှာဆိုရင်တော့ ကျောက်တုံးလေးတွေ ပိုပေါများပါတယ်။ ဒီလိုကျောက်တုံးလေးတွေကိုစုဆောင်းထားပြီး သင့်မိသားစုနဲ့ အပန်းဖြေနိုင်သလို၊ မိတ်ဆွေသူငယ်ချင်းတွေနဲ့လည်း အပန်းဖြေနိုင်ပါတယ်။ အပန်းဖြေဖို့ အတွက်မဟုတ်ပဲ ပန်းခြံလေးတစ်ခြံ အဖြစ်ဆောက်လုပ်မယ်ဆိုလည်း အဆင်ပြေပါတယ်။ ဒီတော့ စိတ်ကူးကောင်းကောင်းနဲ့ဆောက်လုပ်ထားတဲ့ ကျောက်တုံးအိမ်လှလှလေးတွေကို ဖော်ပြပေးလိုက်ပါတယ်….  

သင်ရဲ့အိမ်အတွင်းပိုင်းကိုကုန်ကျစရိတ်နည်းနည်းနဲ့အလွယ်တကူပြင်ဆင်လို့ရနိုင်မဲ့နည်းလမ်းလေးတွေကိုဖော်ပြပေးလိုပါတယ်... သင့်အိမ်မှာရှိတဲ့သေးငယ်တဲ့အခန်းနံရံကို အရောင်ဖျော့ပြီး Soft ဖြစ်တဲ့အရောင်သုံးပေးခြင်းဟာ အခန်းကိုပိုမိုကျယ်ဝန်းသယောင်ဖြစ်စေပါတယ်။ မှန်ကိုအသုံးပြုပြီးအလှဆင်ခြင်းကလဲ အခန်းကိုပိုမိုကျယ်ဝန်းသယောင်ဖြစ်စေတဲ့အပြင် မှန်မှပြန်တဲ့အလင်းကြောင့်အခန်းအလင်းရောင်ကိုလဲပိုမိုရရှိစေပါတယ်။ သင့်ရဲ့အခန်းနံ ရံတွေပြောင်ရှင်းကြီးဖြစ်နေတာကိုလဲ မှန်ချပ်တွေနဲ့အလှဆင်ပြီးသားဖြစ်စေတဲ့အတွက် နည်းလမ်းကောင်းတစ်ခုပဲဖြစ်ပါတယ်။ အစိမ်းရောင်အပင်တွေကို ဧည့်ခန်း ဒါမှမဟုတ် ရေချိုးခန်းစတဲ့နေရာတွေမှာ ပန်းအိုးလှ လှလေးတွေနဲ့အလှဆင်ခြင်းဟာလည်း ကုန်ကျစရိတ်သက်သာတဲ့အပြင် မြင်ရတာ အမြင်အေးစေပါတယ်။ မကောင်းတဲ့အနံ့တွေကိုစုပ်ယူပြီးလထုကိုလည်းသန့်ရှင်းစေတဲ့အတွက် အနံ့အသက်မကောင်းတာတွေလဲသက်သာစေပါတယ်။ မီးဖိုချောင်နံရံမှာ နံရံကပ်စင်လေးတွေအသုံးပြုခြင်းဟာလဲ အိမ်ကိုရှင်းလင်းစေတဲ့ အပြင်နေရာ စားသက်သာကာ အမြင်ဆန်းစေမှာပါ။ Ref - freshome

မိမိရဲ့အိမ်အတွင်းပိုင်းအတွက်ဆေးရောင်ချယ်ရာမှာ အရောင်ရွေးချယ်မှု ဟာအလွန် အရေးကြီးပါတယ်။အသုံးပြုလိုက်တဲ့အရောင်အပေါ်မူတည်ပြီး အိမ်အတွင်း အလင်း အမှောင်သာမက ပရိဘောဂတွေနဲ့အလှဆင်ရာမှာပါ အဆင်ပြေစေဖို့လိုအပ်ပါတယ်။နာမည်ကျော် Designer Mark McCaule ရဲ့အဆိုအရ အရောင်အရမ်းရင့်ပီး Dark ဆန်တဲ့အရောင်တွေကို ကြမ်းခင်းအနေ နဲ့အသုံးပြုဖို့သင့်တော်ပီး နံရံအတွက်ကိုတော့ အရောင်မရင့်မနု  Medium color တွေသုံးဖို့သင့်တော်တယ်လို့ဆိုပါတယ်။မျက်နှာကျက်ကိုတော့ Light ဆန်တဲ့အရောင်ဖျော့ဖျော့ လင်းလင်းလေးတွေအသုံးပြုပေးခြင်းဟာအသင့်တော်ဆုံးပါ လို့လဲဆိုပါတယ်။ တကယ်တမ်း မိမိရဲ့အိမ်အတွင်းဟာ အပြင်ကမ္ဘာ ကြီးလိုပါပဲ။ မျက်နှာကျက်ကိုကောင်းကင်ပြာလို ကြမ်းပြင်ကိုမြေကြီးလို နံရံတွေကိုသဘာဝတရားကပေးတဲ့အရောင်တွေလိုသတ်မှတ်ပြီး အရောင်ရွေး ချယ်သင့်တယ်လို့အကြံပေးထားပါတယ်။အောက်တွင်  Designer တွေရွေးချယ်အသုံးပြုထားတဲ့ ခေတ်မီတဲ့အိမ်အတွင်းပိုင်းအရောင်အသုံးပြုထားမှုပုံလေးတွေကိုဖော်ပြပေးထားပါတယ်။       Ref - hgtv

မြို့ပြလူဦးရေထူထပ်လာတာနဲ့အညီမြေနေရာရှားပါးတဲ့အတွက် တိုက်ခန်းနေသူတွေအတွက် အသေးစား ဥယျာဉ်လေးတွေ စိုက်ခင်းလေးတွေ ပြုလုပ်လို့ရတဲ့ Idea လေးတွေကိုဖော်ပြပေးလိုပါတယ်။ ဝရန်တာမှာ ပဲဖြစ်ဖြစ် တိုက်ရဲ့ခေါင်မိုးနေရာ ဒါမှမဟုတ် မီးဖိုးချောင်ရဲ့ဒေါင့်လေးတွေမှာ ပန်းပင်လေးတွေသာမက မီးဖိုချောင်သုံးဟင်းခတ်အပင်လေးတွေ ဆေးဖက်ဝင်အပင်လေးတွေကိုလည်း စိုက်ပျိုးလို့ရတဲ့အတွက် ကျန်းမာရေးနဲ့ညီညွတ်တဲ့ အောဂဲနစ်စစ်စစ်ကိုရတဲ့အပြင် အသုံးစရိတ်လဲချွေတာနိုင်မှာပါ။ နောက်တစ်ချက်က သစ်ပင်တွေဆီက အောက်ဆီဂျင်လည်းရရှိတဲ့အတွက် လေကောင်းလေသန့်ရရှိပြီး ပျော်ရွှင်ကျန်းမာတဲ့ဘဝလေးတွေကို ပိုင်ဆိုင်နိုင်မှာပါ။

အာရှနိုင်ငံတွေရဲ့ အဆင့်မြင့် Restaurant ပုံစံဒီဇိုင်းတွေကိုအာရှနိုင်ငံတွေသာမက ကမ္ဘာတစ်ဝှမ်း ကနှစ်သက်ကျပါတယ်။ လှပသေသပ်ပြီးရှင်းလင်းတဲ့ Design အပြင် ရိုးရာဒေသဖန်တီးမှုတွေကို အခြေခံတဲ့ Restaurant အပြင်အဆင်ဟာ စားသုံးသူတွေကိုဆွဲဆောင်နိုင်ပါတယ်။ ယနေ့ခေတ် လူကြိုက်များတဲ့ အာဆီယမ် Interior Restaurant Design တွေကိုဖော်ပြပေးလိုက်ပါတယ်။ Ref - ineoteric

အိမ်တစ်အိမ်အတွက် ဧည့်ခန်းသည် ခေတ်မီဖို့လည်း လိုသလို လှပသေသပ်ပြီး အရိုးရှင်းဆုံးဖြစ်ဖို့လည်း လိုအပ်ပါတယ်။ ဧည့်ခန်းဆိုတာ အိမ်တစ်အိမ်ရဲ့ နှလုံးသား ဖြစ်ပါတယ်။ မိမိရဲ့အိမ်ကို ဝင်လိုက်ပီဆိုရင် ပထမဆုံး တွေ့ရမှာက ဧည့်ခန်းပါပဲ။ လုံးချင်းအိမ်ဖြစ်ပါစေ တိုက်ခန်းဖြစ်ပါစေ ဧည့်ခန်းဆိုတာ မိမိအိမ်ကိုလာရောက် လည်ပတ်သော ဧည့်သည်များသာမက မိမိတို့ မိသားစု အချိန်အများဆုံး ကုန်ဆုံးသော နေရာဖြစ်လို့ အလင်းရောင် ကောင်းမွန်ပီး လေဝင်လေထွက်ကောင်းမယ့် နေရာမျိုးဖြစ်ရပါမယ်။ တစ်နေကုန် အလုပ်ခွင်မှာ ပင်ပင် ပန်းပန်း အလုပ်လုပ်ရတဲ့ နေ့မျိုးဆို လူတိုင်း မိမိအိမ်လေးကို ပိုပြီး သတိရတတ် ရပါ တယ်။ ဒါကြောင့် မိမိဧည့်ခန်း အရောင်ရွေးချယ်မယ်ဆိုလျင် မှိုင်းသောအရောင်များ မရွေးချယ် မိစေဖို့လိုအပ်ပါတယ်။ ဒါကြောင့် လှပခေတ်မီပြီး ရိုးရှင်းတဲ့ ဧည့်ခန်း Design Idea လေးများကိုဖော်ပြပေးလိုက်ပါတယ်။  

  ကိုယ့်ရဲ့ခြံဝန်းထဲမှာ ဒါမှမဟုတ် ကိုယ်ဝယ်ထားတဲ့မြေနေရာကျယ်တဲ့ခြံထဲမှာပဲဖြစ်ဖြစ် resort တွေမှာလိုမျိုးအနားယူအပန်းဖြေစရာ ဝါးအိမ်လေးတွေ ဆောက်ချင်ကျမှာပါ။ (more…)

သင့်ရဲ့ Workspace လုပ်ငန်းခွင်ဧရိယာကိုသေသေသပ်သပ်နဲ့အမြင်ရှင်းလင်းစေမဲ့ အပြင်အဆင်လေးတွေ ကိုဖော်ပြပေးမှာဖြစ်ပါတယ်။ သင့်ရဲ့ရုံးခန်း နဲ့သင့်ရဲ့ employers တွေအတွက် ရှင်းလင်းသေသပ်တဲ့ အလုပ်စားပွဲ နေရာလေးတွေရှိဖို့လဲလိုအပ်ပါတယ်။ အလုပ်စားပွဲဆိုတာ ဒုတိယအိမ်ပါပဲ။ များသော အားဖြင့် မိမိရဲ့အချိန်ကိုကုန်ဆုံးရာနေရာဖြစ်လို့အရေးပါပါတယ်။ ရှင်းလင်းသေသပ်တဲ့နေရာမှာအလုပ်လုပ်ရခြင်းဟာစိတ်ကြည်လင်စေပြီးလုပ်ငန်းအတွက်စဉ်းစားတွေးခေါ်တဲ့နေရာမှာလဲအထောက်အကူပေးပါတယ်။သင့်ရဲ့စိတ်ကိုပျော်ရွှင်စေပြီးသက်တောင့်သက်သာလဲဖြစ်စေပါတယ်။ နေရာစားလဲသက်သာပြီး Laptop Desktop စတဲ့ လုပ်ငန်းသုံးပစ္စည်းတွေကိုလဲသေချာစွာထားနိုင်တဲ့အပြင် သေသပ်ရှင်းလင်းတဲ့ Workspace Idea လးတွေကိုဖော်ပြပေးလိုက်ပါတယ်…. (more…)

အာရှနိုင်ငံတွေရဲ့အိမ်တွင်းအလှဆင်မှုပုံစံတွေကိုအာရှနိုင်ငံတွေမှာသာမက ကမ္ဘာတစ်ဝှမ်းကနှစ်ခြိုက်ကျပါတယ်။ ရိုးရှင်းသပ်ရပ်ပြီးဆွဲဆောင်မှုရှိတဲ့အခန်းဖွဲ့စည်းပုံအပြင် ပရိဘောဂ ဒီဇိုင်းတွေကလည်းဆွဲဆောင်မှု ရှိပါ တယ်။ တကယ်လို့သင်ဟာရိုးရှင်းသပ်ရပ်ပြီးဆွဲဆောင်မှုရှိတဲ့အခန်းတစ်ခုကိုလိုချင်သူဆိုရင်တော့ဒီအခန်းဖွဲ့ စည်းပုံကသင့်အတွက်အကောင်းဆုံးဖြစ်မှာပါ။ ဒါကြောင့် Asian Living Room Idea တွေကိုလေ့လာလို့ ရအောင်ဖော်ပြပေးလိုက်ပါတယ်။ ခေတ်နဲ့အညီ ဖွဲ့စည်းထားတဲ့ဒီဇိုင်းတွေကနေ ရိုးရာဓလေ့အတိုင်း ဖွဲ့ စည်း ထားတဲ့ ဒီဇိုင်းတွေအထိစုံလင်စွာပါဝင်လို့ သင့်ရဲ့နေ့စဉ်ဘဝနေထိုင်မှုကိုပျော်ရွှင်စွာဖြတ်သန်းနိုင်ဖို့ ရွေးချယ် လေ့လာလို့ရရန်ဖော်ပြပေးလိုက်ပါတယ်။   Ref - architectureartdesigns

သင်နေတဲ့အခန်းက ကျဉ်းနေသေးလို့ အလှဆင်ဖို့အတွက်စဉ်းစားရခက်နေရင်တော့ ဒီ idea လေးတွေကိုလေ့လာပြီးပြင်ဆင်လို့ ရတယ်နော်။ (more…)