မိသားစုအမှတ်တရဓာတ်ပုံများနဲ့အလှဆင်မယ်
မိသားစု ဖြတ်သန်းခဲ့တဲ့ ဘဝတစ်လျောက်အမှတ်တရဓာတ်ပုံလေးတွေနဲ့ အိမ်ကိုအလှဆင်ရတာဝါသနာပါသူတွေအတွက် ဆန်းသစ်ပြီး အမြင်ဆန်းစေတဲ့ မိသားစုပုံ Showcase Idea လေးတွေကိုဖော်ပြပေးလိုက်ပါတယ်... (ဆက်ရန်…)
Home Exterior ပိုင်းအတွက်သင့်တော်တဲ့ဆေးရောင်များ
အိမ်တစ်အိမ်ရဲ့အပြင်ဘက်မျက်နှာစာဆိုတာ First Impression ဖြစ်တဲ့အတွက် အမြဲကြည့်ကောင်းနေဖို့လိုအပ်ပါတယ်။ ဒါကြောင့် သင့်အိမ်ရဲ့အပြင်ဘက်ကိုဆေးရောင်ခြယ်ရန် အသင့်တော်ဆုံး လူကြိုက်အများဆုံး အရောင်တွေကို လေ့လာနိုင်ရန် ဖော်ပြပေးပါမယ်... (ဆက်ရန်…)
ရိုးရှင်းတဲ့လက်ရာများနဲ့ဖွဲ့စည်းထားတဲ့ Asian Restaurant ဒီဇိုင်းများ
အာရှနိုင်ငံတွေရဲ့ရိုးရာယဉ်ကျေးမှုတွေကိုအခြေခံထားတဲ့အလှဆင်မှုပုံစံတွေကိုအာရှနိုင်ငံတွေမှာသာမက ကမ္ဘာတစ်ဝှမ်းကနှစ်ခြိုက်ကျပါတယ်။ ရိုးရှင်းသပ်ရပ်ပြီးဆွဲဆောင်မှုရှိတဲ့အခန်းဖွဲ့စည်းပုံအပြင် ပရိဘောဂ ဒီဇိုင်းတွေကလည်းဆွဲဆောင်မှုရှိပါတယ်။ တကယ်လို့သင်ဟာရိုးရှင်းသပ်ရပ်ပြီးဆွဲဆောင်မှုရှိတဲ့ ဆိုင်တစ်ဆိုင်ကိုလိုချင်သူဆိုရင်တော့ဒီဆိုင်ခန်းဖွဲ့စည်းပုံကသင့်အတွက်အကောင်းဆုံးဖြစ်မှာပါ။ ဒါကြောင့် Asian Restaurant Design တွေကိုလေ့လာလို့ရအောင်ဖော်ပြပေးလိုက်ပါတယ်။ (ဆက်ရန်…)
တစ်ရက်အတွင်းအိမ်ကိုသန့်ရှင်းအောင်လုပ်မယ်
သန့်ရှင်းသပ်ရပ်တဲ့အိမ်မှာနေထိုင်ခြင်းဟာ ကျန်းမာရေးနဲ့သင့်တော်ယုံသာမ မိမိရဲ့ စိတ်ကိုကြည်လင်စေ ပါတယ်။ တကယ်လို့ သင့်ရဲ့အိမ်မှာ နေရတာဖုန်တွေထူပြီး မသပ်ရပ်တော့ဘူး သန့်ရှင်းမှုမရှိတော့ဘူး လို့ခံစားနေရရင် တစ်ရက်အတွင်း သန့်ရှင်းသပ်ရပ်တဲ့အိမ်လေးကို အချိန်တိုတွင်းရရှိစေမဲ့ နည်းလမ်းတွေ ဖော်ပြပေးပါမယ်။ မနက်ပိုင်းမှာ တော့ ပထမဦးဆုံး အိပ်ခန်းနဲ့အိပ်ယာတွေကိုစတင်သန့်ရှင်းရေးလုပ်ပါ။ အိပ်ယာခင်းတွေ ခေါင်းအုံးစွပ်စတာတွေကိုလျော်ဖွတ်ပြီး လှမ်းထားပါ။ ပြီးရင်တော့ မီးဖိုချောင် ဘေစင်မှာရှိတဲ့မဆေးရသေးတဲ့ပန်းကန်မှအစ ညစ်ပတ်နေတဲ့အရာတွေ ကိုဆေးကြောပါ။ မသန့်ရှင်းတဲ့ ဘေစင်နဲ့ မီးဖိုချောင်သုံးပစ္စည်းတွေရှိခြင်းက ကျန်းမာရေးကိုထိ ခိုက်စေပါတယ်။ မိမိမှာအချိန်မအားလပ်သည့်တိုင်အောင် စားပြီးသား ပန်းကန် အသုံးပြုထားတဲ့ ပန်းကန်စတာတွေကိုချက်ချင်းဆေးကြောပြီး ပန်းကန်စင်ပေါ်မှာသပ်ရပ်စွာထားရှိပါ။ နေ့လည်အချိန်မှာတော့ တစ်အိမ်လုံးကို ရေဝတ်ဒါမှမဟုတ် Brush စတာနဲ့ ဖုန်တွေသုပ်ပေးပါ။ အဓိကနေရာတွေဖြစ်တဲ့ ရေချိုးခန်း အိမ်သာ နဲ့ မီးဖိုချောင်စတာတွေကို ဆေးကြောပြီး သန့်ရှင်းအောင်ပြု လုပ်ပါ။ ပြီးလျှင်တော့ အိမ်တွင်း ပရိဘောဂပစ္စည်းတွေမှာရှိတဲ့ ဖုန်နဲ့အညစ်အကြေးတွေကို သုတ်ပါ။ အိပ်ခန်းနဲ့ မီးဖိုခန်း ဧည့်ခန်း စတဲ့အခန်းတွေရဲ့ကြမ်းပြင်ကို တံမြက်စည်း လှည်းပါ။ ဖုန်စုပ်စက် အသုံးပြု တာကတော့ ဖုန်တွေသာမကပစ္စည်းအတိုအစအန တွေပါမကျန်ရှင်းလင်းပေးတာကြောင့် အကောင်းဆုံးပါပဲ။ ဒီတခါမှာတော့ ခြင်းတစ်ခြင်းကိုလက်ကကိုင်ထားပြီး တအိမ်လုံးမှာရှိတဲ့ မလိုအပ်တော့ဘူးထင်တဲ့ အရာတွေကိုအရင်လိုက်သိမ်းပါ။ ခြင်းပြည့်သွားပြီး မလိုအပ်တာမရှိတော့ဘူးဆိုရင်တော့ နောက်တစ်ကြိမ် နေရာတကျမဟုတ်တဲ့ ပစ္စည်းတွေကို သိမ်းဆည်းပြီး သက်ဆိုင်ရာနေရာမှာထားရှိပါ။ အခုဖော်ပြတဲ့နည်းတွေအတိုင်းပြုလုပ်သွားမယ်ဆိုရင်တော့ အနည်းဆုံး သန့်ရှင်းသပ်ရပ်တဲ့ အိမ်လေးကို တစ်ရက် အတွင်း အမြန်ဆုံးရရှိမှာနော်။ Ref-greenhouse
မီးဖိုခန်းအတွက်သင့်လျော်မည့်ဆေးရောင်ရွေးချယ်နည်း
အိမ်တစ်အိမ်အတွက် မီးဖိုခန်း ဆိုတာအလုပ်အများအဆုံး အသုံးအပြုရဆုံးအခန်းတစ်ခန်းဖြစ်ပါတယ်။ ဆေးရောင်တွေထဲမှာ အခန်းနံရံအတွက်ဆိုရင် အဖြူရောင်၊ ဆင်စွယ်ရောင်၊ အဝါရောင်၊ အနီရောင်၊ အစိမ်း၊ အပြာ နဲ့မီးခိုးရောင်စတာတွေကတော့ လူအကြိုက်များတဲ့အရောင်တွေဖြစ်ပါတယ်။ သင့်အိမ်အတွက်အရေးအပါဆုံး မီးဖိုခန်းမှာတော့ တည်ငြိမ်တဲ့အရောင်တွေဖြစ်တဲ့ အဖြူရောင် နဲ့ ဆင်စွယ်ရောင်လိုမျိုးအရောင်တွေကတော့မပါမဖြစ်ပါပဲ။ မီးဖိုခန်းဟာဆိုရင် အ လင်းရောင်ရပြီးလေ ဝင်လေထွက်ကောင်းဖို့လိုတဲ့အတွက် အရောင်လင်းစေတဲ့ အရောင်မျိုးနှစ်သက်သူတွေ အတွက်အဝါရောင်ဟာလည်းရွေးချယ်သင့်တဲ့အရောင်ထဲပါဝင်ပါတယ်။ အဝါရောင်ဟာ မျက်စိပသာဒဖြစ်စေတဲ့ အတွက် လူကြိုက်များတဲ့အရောင်အနေနဲ့ပါဝင်ပါတယ်။ အနီရောင်ဟာဆိုရင်လည်းအစာစားချင်စိတ်ကိုတိုးပွားစေတယ်လို့ယူဆကျပေမဲ့ အနီရောင်ကိုရွေးမယ်ဆိုရင်တော့အရောင်ကိုအရမ်းရင့်သွားတဲ့အခါအခန်းကိုမှောင်စေတဲ့အတွက် အထူးသတိထားဖို့လိုပါတယ်။ အနီရောင်သူံးတဲ့အခါ တွဲဖက်အရောင်တွေဖြစ်တဲ့ ပန်းရောင် ပန်းဆီရောင်စတာတွေနဲ့ အမြင်ရှိသလို ပေါင်းစပ်ဖန်တီးလို့ ရတာမို့သင့်မီးဖိုခန်းဟာ သာမာန်ထက်ထူးခြားနေမှာပါ။ သဘာဝဆန်တဲ့အစိမ်းရောင်ကို သင့်မီးဖိုခန်းအတွက်ရွေးချယ်မယ်ဆို သစ်သားနဲ့ပြုလုပ်ထား တဲ့ပစ္စည်းတွေနဲ့တွဲဖက်အသုံးပြုတဲ့အခါသင့်ရဲ့ မီးဖိုခန်းဟာစိမ်းလန်းတဲ့သစ်တောတစ်ခု ထဲရောက်သ လိုခံစားရစေမှာပါ။ နို့စိမ်းရောင်နဲ့ပန်းသီးအစိမ်းရောင်လိုမျိုး အရောင်တွေနဲ့တွဲစပ်တဲ့အခါအလွန်လှပစေမှာပါ။ အပြာရောင်ကတော့ အရောင်ထဲမှာမှ ပင်လယ်ပြာကောင်းကင်ပြာ စတဲ့အလွန်လှတဲ့ သဘာဝအရောင်တွေ ရဲ့ကိုယ်စားပြုဖြစ်တဲ့အတွက်သဘာဝကိုနှစ်သက်သူတွေရွေးချယ်သင့်တဲ့အရောင်ပါပဲ။ မီးဖိုချောင်သုံးပစ္စည်းတွေ မှာ အပြာရင့်ရင့်အသုံးပြုပေးသင့်ပါတယ်။
ကမ္ဘာ့အတော်ဆုံးဗိသုကာပညာရှင်တွေဆောက်လုပ်ထားတဲ့ ကစားကွင်းများ
ဒီတစ်ခေါက်ဖော်ပြပေးသွားမှာကတော့ ကမ္ဘာ့အတော်ဆုံးဗိသုကာပညာရှင်ကြီးတွေဆောက်လုပ်ထားတဲ့ ကစားကွင်းတွေကိုဖော်ပြပေးသွားမှာပဲဖြစ်ပါတယ်... Wibit Sport Gmbh ဒီကစားကွင်းကတော့ ခရိုအေးရှားမှာရှိတဲ့ ရေပေါ်ကစားကွင်းဖြစ်ပြီး ဗိသုကာပညာရှင် Robert Cirjak ရဲ့လက်ရာပဲဖြစ်ပါတယ်။ Woods of Net Hakone Japan ဒီဂျပန်မှာရှိတဲ့ သက်တန့်ရောင်စုံပုံစံအလှဆင်ထားတဲ့ အသိုက်ပုံစံကလေးကစားကွင်းဟာ ဂျပန်ဗိသုကာပညာရှင် Toshiko Horiuchi Macadam ကတည်ဆောက်ထားတာပါ။ Silver Tower Playground in New York City ဒီလျောစီးတဲ့ ကလေးကစားကွင်းလေးကို Brooklyn ပညာရှင် Tom Otterness ကတည်ဆောက်ထားတာပါ။ Parque Gulliver, Valencia, Spain စပိန်မှာရှိတဲ့ဒီကစားကွင်းကတော့ လူတိုင်းသိတဲ့ Gulliver’s Travels ပုံပြင်ကို Inspire ယူပြီးတည်ဆောက်ထားတာပါ။ Basketball Court, 9th Arrondissement, Paris ပြင်သစ်နိုင်ငံ ပဲရစ်မြို့မှာတည်ဆောက်ထားတဲ့ ဒီ Basketball ကစားကွင်းကိုတော့ Nike က Sponsor ပေးထားပြီး ဒီဇိုင်းပိုင်းကိုတော့ Ill Studio နဲ့ Pigalleကနေတည်ဆောက်ထားတာပါ။ Tower Playground, Copenhagen, Denmark အဆောက်အအုံ Tower နှစ်ခုကိုဆက်ထားတဲ့ပုံစံနဲ့တည်ဆောက်ထားတဲ့ဒီကစားကွင်းကတော့ ဒိန်းမတ်နိုင်ငံမှာတည်ရှိပါတယ်။ Ref - dailydesignanews
ကမ္ဘာကျော်တွေရဲ့တန်ဖိုးကြီးနေအိမ်များ
ကမ္ဘာကျော် Celebrities တွေနေထိုင်တဲ့တန်ဖိုးကြီးနေအိမ်တွေရဲ့တန်ဖိုးနဲ့အပြင်အဆင်တွေကိုဖော်ပြပေးမှာဖြစ်ပါတယ်... Taylor Swift ငယ်ငယ်ရွယ်ရွယ်နဲ့အောင်မြင်မှုအရမ်းရရှိနေတဲ့အဆိုတော်မလေး Taylor Swift ရဲ့ ကယ်လီဖိုးနီးယားပြည်နယ် Beverly Hills မှာရှိတဲ့နေအိမ်ကို Taylor ဟာ 25$ Million နဲ့ 2015 ခုနှစ်ကဝယ်ယူခဲ့ပါတယ်။ Kendall Jenner အောင်မြင်ကျော်ကြားတဲ့မော်ဒယ်မလေး Kendall Jenner ကတော့ 6.5£ Million ပမာဏရှိတဲ့ West Hollywood နေအိမ်အားဝယ်ယူခဲ့ပါတယ်။အဆိုပါ Luxury အိမ်မှာဆိုရင်တော့အိပ်ခန်း ၆ခန်း၊ရေချိုးခန်း ၅ ခန်းအပြင်ရေကူးကန်စသဖြင့်ပါဝင်ပါတယ်။ Celine Dion အဆိုကျော် Celine Dion ရဲ့ ဖလော်ရီဒါမှာရှိတဲ့နေအိမ်ဟာ 28$ Million တန်ကြေးရှိပြီး အိပ်ခန်း 13ခန်း ရေချိုးခန်း 14 ခန်းပါဝင်ပြီး ရေကူးကန် ၂ ခုပါဝင်ပါတယ်။ Ref-Google, m.scmp.com
Living Room အတွက်သင့်တော်တဲ့ Painting Color များ
ယခုဖော်ပြပေးမှာကတော့ သင့်ရဲ့အိမ်ခန်းအတွက် လိုက်ဖက်သင့်တော်မဲ့ အရောင်အတွဲအစပ်တွေကို ဖော်ပြပေးမှာဖြစ်ပါတယ်။ ဒီပင်လယ်ရေပြာလို အပြာရောင်လေးတွေကိုအသုံးပြုထားတဲ့ပုံစံကတော့ အမြင်တောက်ပစေတဲ့အပြင် အလင်းရောင်ကိုရစေပြီး၊လွတ်လပ်မှုကိုခံစားစေနိုင်မဲ့အရောင်ပဲဖြစ်ပါတယ်။ Decoration ကိုပန်းဆီရောင် ပါတာတွေနဲ့တွဲစပ်အသုံးပြုထားပြီး အရမ်းကိုလှပပါတယ်။ ဒီတခါအပြာရောင်လေးကတော့ Blue Sky အရောင်လေးကိုအသုံးပြုထားပြီး အခန်းကိုပိုမိုလင်းစေတဲ့အပြင် သဘာဝအလင်းရောင်ကဲ့သို့ခံစားမှုကိုရရှိနိုင်ပါတယ်။သူနဲ့လိုက်ဖက်တဲ့ အစိမ်းဖျော့ ဒါမှမဟုတ် အပြာဖျော့ အရောင်ရှိတဲ့ Decoration တွေနဲ့သာဆို အရမ်းကိုလှပတဲ့အခန်းလေးကိုရရှိစေမှာပါ။ အခန်းကိုပန်းရောင်ဖျော့ဖျော့ဆေးရောင်အသုံးပြုထားပြီး အခန်းတွင်း Decoration ကို သဘာဝရဲ့ အညို ရောင်တွဲစပ်ဖန်တီးထားတဲ့ဒီအခန်းပုံစံဟာလဲ သဘာဝကျပြီး ရိုးရှင်းတဲ့အရောင်ကြိုက်တဲ့ သူတွေအတွက်တော့ အဆင်ပြေစေမှာပါ။ ဒီအစိမ်းရောင် အခန်းလေးကတော့မြင်လိုက်တာနဲ့ လင်းခနဲဖြစ်သွားစေပြီး ဒီအရောင်လေးကိုအသုံးပြု မယ်ဆိုရင်တော့ Decoration လုပ်တဲ့အခါအဖြူရောင်နဲ့အစိမ်းဖျော့အရောင်နဲ့တွဲစပ်တာအသင့်တော်ဆုံးပါ။ Ref - housebeautiful
သင့်ရဲ့အိပ်ခန်းကိုအသစ်ဖြစ်သွားစေမဲ့ပြင်ဆင်ချက်များ
အိပ်ခန်းဆိုတာ သက်တောင့်သက်သာနဲ့အဆင်ပြေပြေအိပ်စက်အနားယူဖို့သာမက လူတစ်ယောက်အတွက် ကိုယ်ပိုင်နေရာ ကိုယ်ပိုင်အနားယူလို့ရတဲ့ နေရာဖြစ်တဲ့အတွက် မိမိရဲ့အိပ်ခန်းကိုပြင်ဆင်တဲ့နေရာမှာ အမြဲနေနေကျပုံစံအတိုင်းနေရတဲ့အခါ စိတ်ညစ်ညူးစေပါတယ်။ ဒါကြောင့် မိမိအိပ်ခန်းကိုအသစ်စက်စက်အခန်း မှာပြောင်းနေလိုက်ရသလို ခံစားမှုကိုရရှိစေဖို့ လိုအပ်တဲ့ပြင်ဆင်မှုလေးတွေကိုဖော်ပြပေးလိုပါတယ်။ သင့်ရဲ့အိပ်ယာခင်းတွေဟာဟောင်းနွမ်းကြာမြင့်နေပြီဆို ကျန်းမာရေးနဲ့လဲမသင့်တော်တဲ့အတွက် အသစ်လဲလှယ်အသုံးပြုသင့်ပါတယ်။သာမာန်သုံးနေကျအရောင်မျိုးမဟုတ်ပဲ Bright ဖြစ်တဲ့အရောင်လေးတွေ မျက်စိအေးစေမဲ့အိပ်ယာခင်းမျိုးနဲ့လဲလှယ်လိုက်ပါ။ သင့်ကုတင်ရဲ့ နံရံအလည်တည့်တည့်မှာ သင်နှစ်သက်တဲ့ ပန်းချီကား ဒါမှမဟုတ် နံရံကပ်အလှဆင်တဲ့ အရာတစ်ခုခုကိုထားလိုက်ပါ။ အိပ်ခန်းရဲ့ ဒေါင့်တစ်နေရာရာမှာစာဖတ်ဖို့ ဒါမှမဟုတ် ကွန်ပျူတာအသုံးပြုနိုင်မဲ့အသေးစားနေရာလေး တစ်ခုပြင်ဆင်လိုက်ပါ။ သင့်အခန်းကိုအသစ်ကဲ့သို့ခံစားရစေမဲ့ အချက်တစ်ခုပါပဲ။ ပြတင်းတံခါးမှာတပ်ဆင်တဲ့လိုက်ကာတွေကိုလဲ အသစ်ဝယ်ဖို့အစီအစဉ်ရှိလျင်လဲလှယ်တပ်ဆင်ပါ။ ဒါမှမဟုတ် လျော်ဖွတ်ပြီးနေရာအပြောင်းအလဲဖြစ်အောင်တပ်ဆင်ပါ။ ပန်းအိုးလှလှလေးတွေထားရှိတာ နံရံမှာမှန်တပ်ဆင်တာ နံရံမှာ ပို့စ်ကတ်တွေ ဓာတ်ပုံလေးတွေ ချိတ်ပေးတာမျိုးကလည်း သင့်အခန်းကိုအသစ်ကဲ့သို့ပြောင်းလဲစေနိုင်ပါတယ်။ ဒါပေမဲ့ အခန်းကို အရမ်းရှုပ်ထွေးအောင်မပြင်ဆင်ဖို့လဲလိုပါတယ်။ အခန်းကိုလေဝင်လေထွက်ကောင်းမွန်အောင်ပစ္စည်းတွေထားတဲ့အခါဂရုစိုက်ပါ။ နံရံကပ်စာအုပ်စင်အသေးစားလေးတွေထားရှိပါ။မလိုအပ်တဲ့ပစ္စည်းတွေကိုရှင်းထုတ်လိုက်ပါ။တစ်ခါတစ်ရံ အသုံးမလိုတဲ့ပစ္စည်းတွေဟာ အခန်းကိုရှုပ်ထွေးညစ်နွမ်းစေပါတယ်။
စိတ်ကူးကောင်းကောင်းနဲ့ ဆောက်လုပ်ထားတဲ့ကျောက်တုံးအိမ်လှလှလေးများ
ဒီတစ်ပတ်ဖော်ပြချင်တာကတော့ စိတ်ကူးကောင်းကောင်းနဲ့ဆောက်လုပ်ထားတဲ့ချစ်စရာကျောက်တုံးအိမ်လေးတွေကိုဖော်ပြပေးမှာဖြစ်ပါတယ်။ သင်ဟာ တိုက်ခန်းနဲ့ နေသူမဟုတ်ဘူးဆိုရင်တော့ ဒီစိတ်ကူးလေးကို အကောင်အထည်ဖော်နိုင်ပါတယ်။ သင်ဟာ Civil Engineer တစ်ဦး၊ ဆောက်လုပ်ရေးသမားတစ်ဦးဆိုရင်တော့ ပိုအဆင်ပြေပါတယ်။ သင့်မိသားစုအတွက်ဖြစ်ဖြစ် ဒါမှမဟုတ် အားလပ်ရပ်အပန်းဖြေဖို့ပဲဖြစ်ဖြစ် စိတ်ကူးကောင်းကောင်းနဲ့ ဒီကျောက်တုံးအိမ်လေးကို ဆောက်လုပ်ကြည့်နိုင်ပါတယ်။ တောင်ပေါ်ဒေသတွေမှာဆိုရင်တော့ ကျောက်တုံးလေးတွေ ပိုပေါများပါတယ်။ ဒီလိုကျောက်တုံးလေးတွေကိုစုဆောင်းထားပြီး သင့်မိသားစုနဲ့ အပန်းဖြေနိုင်သလို၊ မိတ်ဆွေသူငယ်ချင်းတွေနဲ့လည်း အပန်းဖြေနိုင်ပါတယ်။ အပန်းဖြေဖို့ အတွက်မဟုတ်ပဲ ပန်းခြံလေးတစ်ခြံ အဖြစ်ဆောက်လုပ်မယ်ဆိုလည်း အဆင်ပြေပါတယ်။ ဒီတော့ စိတ်ကူးကောင်းကောင်းနဲ့ဆောက်လုပ်ထားတဲ့ ကျောက်တုံးအိမ်လှလှလေးတွေကို ဖော်ပြပေးလိုက်ပါတယ်….